Maxfiylik siyosati

Tendex xizmatini Muhammadali (jismoniy shaxs) yuritadi. Ma'lumotlaringiz uchun ham shu shaxs javob beradi.

Savol yoki so'rov bo'lsa, yozing: email enotience@gmail.com yoki Telegram @notience.

Ma'lumotlar O'zbekiston Respublikasining "Shaxsga doir ma'lumotlar to'g'risida"gi Qonuni asosida ishlatiladi.

Hisob. Email va parol. Parolning o'zini saqlamaymiz, undan olingan bcrypt xeshini saqlaymiz. Shuning uchun parolingizni hech kim, jumladan biz ham ko'ra olmaydi. Bundan tashqari ro'yxatdan o'tgan sanangiz, tarifingiz va saytga oxirgi kirgan vaqtingiz yoziladi.

Telegram. Telegram orqali kirsangiz yoki botni ulasangiz, Telegram ID, username, ism-familiya va bot tili saqlanadi.

Sozlamalar. Siz tanlagan sohalar va hududlar, eng kam byudjet, kalit so'zlar va istisno so'zlar, kuzatayotgan buyurtmachilaringizning STIRi, xabarlar qaysi kanalga kelishi.

Hisobdagi faollik. Saqlagan va ochgan tenderlaringiz, saytda kuniga qancha vaqt o'tkazganingiz, AI funksiyalaridan necha marta foydalanganingiz.

Push xabarlar. Ularni yoqqan bo'lsangiz, brauzer beradigan obuna manzili va kalitlari, qurilma haqida qisqa yozuv va til.

Tashriflar. Qaysi sahifa ochilgani (manzildagi parametrlarsiz), til, qaysi saytdan yoki reklama havolasidan kelganingiz, qurilma turi va operatsion tizim, sahifada qancha turganingiz va brauzer sessiyasining tasodifiy raqami. Hisobingizga kirgan bo'lsangiz, tashrif hisobingizga bog'lanadi.

IP manzil. Tashriflar ro'yxatiga IP manzilingiz yozilmaydi. Uning o'rniga har kuni almashadigan maxfiy kalit bilan olingan xesh saqlanadi. Kalit 48 soatdan keyin o'chiriladi va shundan keyin xeshdan IP ni tiklab bo'lmaydi. IP manzilning o'zi faqat hujumdan himoyalanish va so'rovlar sonini cheklash uchun vaqtincha ishlatiladi, server jurnallarida esa qisqa muddat turishi mumkin.

AI ga yuborilgan matn. EBA ai va Yordam bo'limiga bergan savollaringiz, tijorat taklifi uchun yozgan kompaniya ma'lumotlari va tahlilga yuklagan .docx hujjatlar. Hujjat faylining o'zi serverda qolmaydi: matni o'qiladi, AI ga yuboriladi va tahlil tugashi bilan o'chib ketadi. Yordamchi javob bera olmagan savollarni esa bilim bazasini to'ldirish uchun saqlab qo'yamiz, ular hisobingizga bog'langan bo'ladi.

OmborPRO. Ombor dasturini Tendex ga ulagan bo'lsangiz, ulanish haqidagi yozuv va dastur yuborgan tender natijalari: holat, shartnoma raqami, summa va izoh.

Bank kartangiz ma'lumotlarini so'ramaymiz. Pro uchun to'lov saytdan tashqarida, oddiy pul o'tkazmasi bilan qilinadi.

Saytda Google Analytics, Yandex Metrika yoki reklama piksellari yo'q. Tashrif statistikasini o'z serverimizda o'zimiz yig'amiz.

Ma'lumotlaringizni sotmaymiz va reklama uchun hech kimga bermaymiz.

Hisobingiz ishlashi, tizimga kirishingiz va parolni tiklash havolasini Telegramga yuborish uchun.

Sizga mos yangi tender chiqqanda Telegram va push orqali xabar berish uchun.

AI funksiyalari ishlashi uchun: savollarga javob, hujjat tahlili, tijorat taklifi loyihasi.

Pro tarifni yoqish, uning muddati va kunlik AI chegarasini hisoblash uchun.

Saytni yaxshilash uchun. Bunda faqat umumiy statistikaga qaraymiz: qaysi sahifalar ko'p ochiladi, qaysilari kam.

Xavfsizlik uchun: spam, avtomatik so'rovlar va buzishga urinishlarni to'xtatish.

AI xizmatlari. AI funksiyasidan foydalansangiz, savolingiz yoki hujjat matni javob olish uchun quyidagi xizmatlardan biriga yuboriladi: Google (Gemini), Groq, Mistral, Cerebras, NVIDIA, OpenRouter, GitHub Models (Microsoft). Bu xizmatlar O'zbekistondan tashqarida joylashgan. Ularga emailingiz, parolingiz va Telegram ma'lumotlaringiz yuborilmaydi. AI funksiyasidan foydalanib, siz shu matn chet elga yuborilishiga rozilik berasiz. Shuning uchun hujjatda ortiqcha shaxsiy ma'lumot qoldirmang.

Telegram. Botdan keladigan xabarlar Telegram orqali yetkaziladi.

Push xizmatlari. Push xabarlarni brauzeringiz ishlab chiqaruvchisining xizmati yetkazadi (Google, Mozilla, Apple va boshqalar).

Server. Sayt ijaraga olingan serverda ishlaydi. Server egasi ma'lumotlarni faqat saqlaydi, ulardan foydalanmaydi.

Davlat organlari. Faqat qonunda ko'rsatilgan hollarda va tartibda.

Tendex cookie ishlatmaydi. Brauzerning o'z xotirasida (localStorage va sessionStorage) bir nechta narsa saqlanadi: kirish tokeni, yorug' yoki qorong'i mavzu, yopilgan oynalar belgisi va tashrif sessiyasining tasodifiy raqami.

Bular faqat sizning qurilmangizda turadi. Brauzer sozlamalaridan tozalasangiz, hisobdan chiqasiz va sozlamalar boshlang'ich holatiga qaytadi.

Ma'lumotlar O'zbekistonda, Toshkent shahridagi serverda saqlanadi.

Hisob, sozlamalar va hisobdagi faollik hisob o'chirilguncha saqlanadi.

Har bir tashrif haqidagi yozuv 30 kun turadi, keyin o'chiriladi. Shundan keyin faqat kunlik umumiy sonlar qoladi, ulardan kimligingizni bilib bo'lmaydi.

Push obunasi siz uni o'chirguningizcha yoki brauzer o'zi bekor qilguncha saqlanadi.

Sayt bilan aloqa HTTPS orqali shifrlangan. Parollar faqat xesh holida saqlanadi. Bazaga faqat administrator kira oladi.

Ma'lumotlaringizga begona odam kirganini bilsak, sizga Telegram yoki sayt orqali darhol xabar beramiz.

Siz haqingizda nima saqlanayotganini so'rash va nusxasini olish.

Xato ma'lumotni tuzatish. Ko'p narsani kabinetdagi sozlamalarda o'zingiz o'zgartira olasiz.

Xabarlarni to'xtatish. Buning uchun kabinetda Telegram botni uzing yoki push xabarlarni o'chiring.

Hisobni o'chirish va rozilikni qaytarib olish. Hisobingiz emaili bilan enotience@gmail.com ga yoki Telegramda @notience ga yozing. Hisob va unga bog'liq ma'lumotlar 30 kun ichida o'chiriladi. Qonun saqlashni talab qiladigan ma'lumotlar bundan mustasno.

Huquqingiz buzilgan deb hisoblasangiz, shaxsga doir ma'lumotlar bo'yicha vakolatli davlat organiga shikoyat qilishingiz mumkin.

Tendex tadbirkorlar va tashkilotlar uchun qilingan. 18 yoshga to'lmaganlar ro'yxatdan o'tmasligi kerak.

Siyosatga o'zgartirish kiritsak, yangi matnni shu sahifaga sanasi bilan qo'yamiz. Jiddiy o'zgarish bo'lsa, Telegram bot yoki sayt orqali oldindan aytamiz.

O'zgarishdan keyin ham Tendex dan foydalanishda davom etsangiz, yangi matnga rozi bo'lgan hisoblanasiz.